Abbottabad Win Maiden National T20 Cup 2026 Title – Beat Karachi Whites by 9 Wickets

7 June ko National T20 Cup ka final khela gaya, jis mein Abbottabad ne Karachi Region Whites ko 9 wickets se shikast di. Yeh match Gaddafi Stadium mein khela gaya.

National T20 Cup Final Ka Quick Summary

Abbottabad Region ke captain Shadab Khan ne toss jeeta aur pehle field karne ka faisla kiya. Karachi Whites ne 119 runs ka target diya, jise Abbottabad ki team ne 13 overs mein hasil kar liya. Arshad Iqbal ne 3 wickets lekar shandar bowling ki, aur Shahzaib Khan ne bhi zabardast batting ki. 2023-2024 ke final mein Abbottabad Region haar gayi thi, lekin is baar unhon ne badla liya aur match jeet liya. Pakistan mein National T20 Cup jaise tournaments humara talent pool behtar bana rahe hain.

Full Scorecard

Bowling Performance

Abbottabad Region ki jeet ki asli wajah uska bowling attack tha. Itna organized tha ke Karachi Whites ka top order bhi fail ho gaya. Man of the Match Arshad Iqbal ne 3 wickets liye. Unhon ne Abdullah Fazal, Shan Masood, aur Khawaja Mohammad Nafay ko out kiya. Shadab Khan ne 2 wickets 17 runs par liye, jabke Shahab Khan ne 2 wickets 18 runs par aur Razaullah ne 2 wickets 26 runs par liye.

Batting Performance

118 runs ka target zyada bada nahi tha, lekin Abbottabad ne ise seriously liya aur almost perfect chase ki. Shahzaib Khan ne 54 runs banaye aur Kamran Ghulam ne 45. Batting itni organized thi ke lagta tha 200 runs ka chase bhi unke liye mushkil nahi hota.